හෙටත් හමුවෙන්නම්....

නුඹ හමුවෙන්න ආයෙමත්
මට ඉඩදෙන්න එන හෙටත්
යළි පිටවෙන්න බැරි කම්න්
තෙරපේවී සුසුම් පොදියක් හිතේ...

නුඹ හිනහෙන්න හෙට දිනත්
මට දුකදෙන්න එම වරත්
යළි ගිලිහෙන්න බැරි කම්න්
නලියාවී කඳුළු බිඳුවක් නෙතේ...

නුඹ නොපෙනෙන්න නම් තවත්
මට ගෙන එන්න කළුවරක්
යළි සිහිවෙන්න බැරි කම්න්
සැඟවේවී මතක සටහන් අපේ...

නුඹ පියඹන්න මා කෙරෙන්
මට සමුදෙන්න හෙට ඉතින්
යළි තනිවෙන්න බැරි කම්න්
වැළපේවී පුරුදු තනිකම මගේ...

ආලය වේ මනරම්

සිනා සරදම් කරයි
මැවෙයි හසරැල් ලතා
ඔබේ දෙනුවන් අගින්
හැගෙයි දහසක් කතා

පිපී පරවී නොයයි
දැනෙයි සුවදක් සදා
මලේ සුවදැති රොනින්
පිරෙයි ආලයේ නුරා

හිතේ සක්මන් කරයි
ගනියි නිදිලොව සොරා
ඔබේ දෑගිලි තුඩින්
නිවෙයි මහදේ විඩා

සිතේ සිතුවිලි නැගෙයි
ගලයි පන්හිද වෙලා
හදේ ගැඹුරුම තැනින්
ගෙතෙයි ප්‍රේමයේ රටා

නිමා නොවෙනා පැතුම්
ගලයි දෙහදක් පුරා
අපේ පෙම්බර හැගුම්
බිදියි තනිකම සදා

සමනලීට

මගෙ තනිකම මට නොදැනිම
සොරකම් කල සමනලී
මා තනිකර මට නොකියම
පිටමවී ගිය හැටී

තණ අග පිණි බිදු වියකෙයි
හිරු දුටු විට සමනලී
මගෙ කදුළැලි හැම වියකෙයි
දුටු විට ඔබෙ හස රැලි

රන් තරු හැම විට හිනහෙයි
පුන් පෝයට සමනලී
අමවකට වුව හිනැහෙමි
නුඹ සිටියොත් වී තුටී

නුඹ නැතිවී මම තැවුනෙමි
බොහො කලක් සමනලී
නොලබෙන දෙය නොම පතනෙමි
මට පසුතැවුමක් නැති

මිහි පොලොවට අපි හැමදෙන
හිමි වෙනවා සමනලී
පින් පවු මත යලි මිහිමත
උපදිනවා ඇති නිතී

සැඩ රැලි නැග රුදු වැඩිවෙයි
නිල් දියකද සමනලී
එතෙර වන්න මට හැකිවෙයි
මේ සසරෙන් දිග වැඩි

සඳ දිය සිත්තම්

සඳ දිය සිත්තම් විල් දිය මත්තෙන්
මවයි සොදුරුම සිතුවම් රටා
විල් දිය නිසලයි භද විල සසලයි
පෙනෙයි අඳුරුම සෙවනැලි රටා


නුබ කුස බබළයි සඳ රැස් විහිදෙයි
ඇඳෙයි විල්දිය ගඟනේ සිනා‍
නුඹ රුව සිහිවෙයි මගෙ සිත ගොළුවෙයි
පතයි මිහිරිම පෙම්බර සිනා


බොඳ වෙන් නැතිනම් සඳ දිය සිත්තම්
අගෙයි තුන්යම ගෙවෙනා තුරා
භද විල පත්ලෙන් නැගි නුඹෙ සිත්තම්
රැදෙයි දිවිමග සරනා තුරා

දම්වැල

මගේ පැතුම ප්‍රාර්තනා ඔබයි
අමිල පැතුම් නුබෙ පැතුම වෙයි
උගෙ පැතුම ප්‍රාර්තනා නොවෙයි
අපේ සිතුම් ප්‍රාර්තනා ගැටෙයි

යුද්දෙට මං ගියා

තල් අරණේ මල් පිපිලා

සාමයේ මල නැත පිපිලා

රණ බිම මත ලේ හැලිලා

නෙතු කඳුළින් බර වීලා

තංගචිචියේ නුබේ මුහුණට

ආල වඩනු නොහැකිය මට

පවුරු වලිනු වටවුනු හෙට

බිදිනට මම යමි සටනට

යුඬ බිමටම නෙතු යොමු කොට

සමුගත්තද නුඹ තනි කොට

සාමයේ මල සුපිපුන විට

එය අයිතිය තංගචිචිට

විරහව

වස්දඩුවේ දුක්බර රාවේ
ගෙනඑයි මතකය ඈගේ
ඇදුනත් ඔබ රුව මනසේ
ඈතයි ඔබ මට තරැසේ

ආදර විවාහය

මහ සයුර සේ පැතුම් පොදි බැද
බොල් අහස සේ සුසුම් ඉකි බිද
උමතුවෙන් මෙන් ඔබට පෙම් බැද
සැනසුමක් නම් නැත ඔබව ලැබුවද

රැවටීම

සුපෙම් හැගුමන් පායලා
වසත් කාලය එළබිලා
නැවුම් මලකට ලංවෙලා
සිබිමි එම මල නොම තලා

පහන් තරැවක් පායලා
ජීවිතේ මගේ එළි කලා
සිතූමුත් මා රැවටිලා
මල තැලී රොන් විසිරිලා

වරද

සොඳුරැ වරද ආදරේ
මිහිර ගෙනෙයි ජීවිතේ
වැදුනු විටදි මල්සරේ
ගැඹුර දැනෙයි හදවතේ

උල්කාෂ්මය

ලොව නිදනා පාළු රැයේ
අඳුරු වලා ගනව වෙලේ
තනි තරුවක් සොයන කලේ
උල්කාවක් දුටිමි ගැඹේ

වයසක පෙම

වසන්තයේ එක්තරා දවසක
මිණිමිණි සිරිපොද වැස්සක
තෙමී නොතෙමී එකම කුඩයක
යමුද සේ අපි තුරුණු යුවලක

සිහිනයකි ඔබ

සැබෑ ලොවක නොපෙනෙන...
සිහිනෙක, නොදුටුව විට ඔබ.
සිහිනය ඔබ බව වැටහින...
ඔබ නැති සිහිනය දුටුවිට.

සමනල් මම

හිරුට හොරා ලොවට පිපුණ තඹර කැකුළියේ
නුඹට හොරා නුඹේ සුවඳ දසත හමන්නනේ
සැමට හොරා මත් බඹරුන් ගුමු ගුමු දෙන්නේ
බිගුට හොරා සමනල් මම නුඹට ඇදෙන්නේ

CSE අපේ කට්ටිය -10

විකුමා ඉන්නේ බස්සා වගේ Lab එක මැද්දේ
මනෝජයා ආවත් වැඩිපුර නැහැ සද්දේ
මධුවා හදුන්වලා දුන් Halo යුද්දේ
අපි හැමෝම ගැහුවා පහුගිය අවුරුද්දේ

ලක්ෂී සූජීතා තරගෙට වැඩ කෙරුවා
තරුගා ශීකරන් අප අතරේ වූවා
සිව් වසරක මතකෙන් බිඳූවකි මේවා
සමා වෙලා අහපන් මිතුරනි මේවා

සියළු දෙනා ගැන මම හොදහිටි ලීවා
සියළු දෙනා මට ලපටියා යයි කිව්වා
ලියපු සියල්ලම මෝරපූ කවි සේමා
උඹලා ලපටි වේ මට වැඩි පුර බෝමා

CSE අපේ කට්ටිය -9

Network අවුල් සේරම මූ ගොඩ දැම්මා
කුප්පි වලින් අපේ සෙට් එක ගොඩ දැම්මා
Mail එවලා InBox පුරවලා දැම්මා
සමින්ද ගැන මම මේ ටික කිව්වා

Photo වලට ඉන්නට මූ හරි රුසියා
අත් දෙක උඩ දමා ඉස්සරහින් හිටියා
ජනා Photo භූතයා ලෙස දිස්වූවා
බඹා ඇවිත් සුමතිව නළලේ කෙටුවා

සූ සැට මායම් ඔක්කොම ඇත්තේ
පබා, පිස්සා දැපනේ දා ගත්තේ
පිස්සාගේ පිස්සුව ඉන් වැඩිවී ඇත්තේ
කඩේ යන්න ඌ පෙරමුණ ගත්තේ

CSE අපේ කට්ටිය -8

බී.පී. කියන්නේ අපේ රාජික ගොයියා
ගේම ගැන තමා මුගේ නිරතුරු කයියා
Command line එකහට පෙම් කෙරුවා
James Clerk මූ තාමත් අදහනවා

බිලියනයට මූ කවදත් Love කෙරුවා
Company වල වත්කම් ටික මූ කිරුවා
පිස්සූ ටෝක් දෙනවා නිරතුරු ටොමියා
Bill Gatesගේ මූ කීකරු අතවැසියා

Halo කට්ට දෙකටම මු එක් වූවා
සුප්පා ගොසින් Axic වල C කෙටුවා
පොඩි සාමිස කියලා නම දා ගත්තා
CSE ඇණ පතිකම ඉල්ලලා ගත්තා

CSE අපේ කට්ටිය -7

විහිළු නිසා සුදු සංජය රතු වෙනවා
පබා නිසා මූ විලියෙන් ඇබරෙනවා
කෙල්ලන් හට නම් මූ පාටී දෙනවා
ඔන්න මචෝ උඹේ රෙදි ටික ගැල වෙනවා

සාලිය කලණී ගැළපෙන යුවලකි කදිම
Halo නිසා ඇතිවේ පොඩි පොඩි අව්ල
සියලු දබර සෙල්ලම අවසන් වන තුරුය
ඊට පස්සේ මේ දෙන්නා කිරි පැණිය

මහ කැලයෙන් නගරෙට සරසවි ආව
වැද්දා ඉන්නේ බදු අරගෙන රජ කඩුව
කස්සා එක්ක මුගේ මිතු දම දැඩිය
හෝටලයෙන් කෑවම යයි බඩ එළිය

විභාගයෙන් ජය ලැබුමට තෙල් බොනවා
හිතුනදාට බියරුත් ගෙනවිත් බොනවා
චන්දරයා Campus විසිටින් සිසුවා
Project එකේ ලොකු බාසුන්නැහැ වෙනවා